馬浚偉前晚與呂珊、李龍基、張偉文和關菊英等一班前輩歌手在《超級靚聲演鬥廳》中鬥唱期間，被呂珊當眾寸其資歷跟為人一樣膚淺，事後馬浚偉稱呂珊只是講笑，自己不會介意，不過他補充說：「其實我個人一啲都唔膚淺，仲好有內涵㖭！」
由伍衛國、關菊英主持的《超級靚聲演鬥廳》前晚播出第二集，請來李龍基、馬浚偉、張偉文、呂珊、胡美儀和羅敏莊等擔任嘉賓，並分開男、女子組作賽。
恐小田偏心
黎小田在節目中身兼音樂總監和評判兩職，伍衛國為免他偏幫前妻關菊英，甫出場即拍了拍黎小田膊頭說：「你一定唔會偏幫關菊英嘅！」經過三個比賽回合後，最後由男子組勝出。
馬浚偉與羅敏莊鬥唱飲歌期間，呂珊突然當眾指着馬浚偉說：「你資歷咁膚淺，同個人一樣！」在場所有人均大感愕然；事後呂珊為自己打圓場說：「我話佢膚淺，即係話佢後生，我哋都係讓吓啲後輩。」
承認資歷淺
馬浚偉雖然被呂珊指其人膚淺，但卻表現得毫不介意，還說：「講笑啫！」問他會否因為被指膚淺故比賽期間份外落力，以爭回一口氣？他就笑說：「OK啦！不過論資歷我確實係淺嘅，佢哋個個都唱咗三十年！佢（指呂珊）都係玩吓啫，我哋綵排嗰陣都有講過吓！」他續說：「其實我一啲都唔膚淺，仲好有內涵，我會不斷學習新事物，做個有料嘅藝人。」
採訪：卓寶花 攝影：葉君海
