滿臉鬍鬚，好MAN！呢個似乎只係男人一廂情願嘅諗法。事實係女仔覺得遠觀有陣潮味，近睇毛茸茸感覺好污糟，再親密啲嘅，定必大嗌一句：「好拮呀！你啲鬚！」夏天就嚟，身為男人嘅筆者，亦好憎麻甩仔着背心，尤其係喺地鐵遇到，唔該你放番隻手落嚟啦，一係脫晒啲毛先着背心喇！
記者：馬慶武
攝影：黃子偉
Model：Ben、Wysam、Yannie（Salvador）
激光脫毛斬草除根
男人做Facial、玩護膚一早已成為趨勢，聽講重開始有男人化妝出街㖭，男女平等真正指日可待。天氣開始又熱又濕，臉上身上太多毛關乎到個人衞生問題，多鬚易生暗瘡，成身毛成身味，噴幾多香水都冚唔到，呃到自己呃唔到人哋。重有滿臉鬚根、男性荷爾蒙發達，朝早剃乾淨鬚、食午飯已經出晒鬚嗰啲，唔通帶個鬚刨出街咩？治本方法係做激光脫毛，放心，唔係要你一次過脫得一乾二淨做小白臉。做激光脫毛可以分階段，令塊面無咁多鬚無咁茂盛。據治療師講，近年愈來愈多男人做臉部激光脫毛，每次唔使15分鐘就搞掂，有為工作而脫，亦有為儀容、衞生而脫。脫，已經唔係女人專利。
激光脫毛StepbyStep
激光脫毛收費
上唇或下巴：$2,640/次，4次加額外1年該部份全脫保證$6,240
腮：$6,840/次、4次$18,000
頸：$6,840/次、4次$18,000
小腿：$14,400、4次$33,600
dermes（29703222）
銅鑼灣分店地址：銅鑼灣羅素街金朝陽中心31樓
脫毛前注意
脫毛之前除咗要自己諗清楚捨唔捨得之外，重有治療前3個星期要避免長時間暴曬，以免令皮膚變得敏感。之前更不要拔掉毛髮，最好喺治療前2-3天才剃去，待治療時長出少許毛髮，效果最佳。另外患有癌症、紅斑狼瘡、生癬、疱疹、白蝕都不適合做激光脫毛。
不能全身「脫」
市面大部份脫毛美容院不能全身脫，女人可以，男人唔可以。並非關乎安全問題，而係關乎牌照問題，女人可以全身脫因為脫毛治療師係女性，如沒相關牌照，法例規定男性不能在脫毛美容院暴露膊頭以下及小腿以上部位，所以到這類脫毛美容院，只可以脫鬚及腳毛。
男人有毛脫唔脫？
節瓜測試自己脫
怕羞？唯有自己買脫毛產品治標不治本！脫毛治療師話因為脫毛蠟容易令皮膚出現敏感、剃毛即會令毛髮愈來愈密愈出愈粗，所以脫毛產品以近年推出嘅脫毛膏最靠得住，而會否出現敏感因人而異，使用前最好以手腳小面積皮膚先作測試。今日特別搵咗同樣多毛嘅節瓜幫手，敏感程度試唔出，卻起碼睇到脫毛效果。
效果：毛髮可以刮得一乾二淨，重好快手，但係稍稍大力啲，連皮都刮甩。人嘅皮膚較有彈性，無咁易甩嘅……
效果：「擦」一聲，心都離埋，應該好痛，但效果顯著。
效果：的確完全唔使用力，但用完之後要清洗乾淨，比較麻煩。
萬寧（25238326）
中環ifc商場
1011-12號舖
脫毛方法大比拼
剃毛 持久度：約3日
ν：方便快手又唔痛。
×：令皮膚變得粗糙，而且會令毛孔生出更多毛髮，長期使用，就算剃乾淨都會留有黑色點點，而且容易刮傷皮膚。
蜜蠟 持久度：約2-5星期
ν：快手、效果持久。
×：可能形成毛髮倒生，毛囊發炎，容易令皮膚產生黑色素，令那部份膚色變得較深，而且好痛。
脫毛膏 持久度：5至7日
ν：唔痛又乾淨。
×：要等，脫完又要洗乾淨，嘥時間。有刺激性化學劑成份，可能出現皮膚敏感。
激光脫毛 持久度：永久
ν：永久去除毛髮，可選擇保留部份健康毛囊，而且能保持毛孔幼細。
×：咁就一世，無得返轉頭。價錢較貴，而且最少要做四次才可以斬草除根。