醫管局候任行政總裁蘇利民（圖）嚟香港，係要幫醫管局滅赤，但好幸運未返工，醫管局已獲政府泵水，睇嚟滅赤唔係難事，但係𠵱家醫生同醫管局打緊嘅超時補水官司，就可能有啲煩惱。佢噚日同八方講，佢認為醫生工時唔應該設有上限，因為醫生係專業工作，隨時要應付病人需要，好似佢雖然唔係醫生，一個星期都唔止做四十八個鐘咁少啦。
不過，喺澳洲過嚟嘅佢話，澳洲啲醫生工時方面係有一些規定，例如會保障醫生喺兩次當值之間，有時間休息。八方認為醫生工作不能有差池，畀醫生足夠休息都係保障病人安全。至於佢會唔會炒管理層嚟精簡人手，佢話𠵱家都好難講，佢話管理層最緊要有效率，做決定要快，咁咪好似報館嘅運作。
爆料熱線：29290000、27860099
報料傳真：26239278
報料電郵：[email protected]