噚日城市論壇講財政預算案，八方見到台上有個靚女高官，對住躁底嘅卿姐都仍然淡淡定有錢剩咁款，一直陰聲細氣同笑笑口，搞到卿姐愈鬧愈無癮。原來佢係財務局副秘書長謝曼怡（圖），即係環運局副秘書長周達明老婆，遲吓重會升做行政署署長㖭。
呢個靚女喺八四年港大畢業之後就加入政府，政界中人都讚佢係叻女又靚女嘅AO，同靚仔老公周達明簡直係一對璧人。唔好睇佢皮膚咁滑溜，原來佢六二年出世，計落都四字出頭。八方聽聞，煲呔本來屬意佢嘅舊部周達明升做新聞處處長，點知有人話兩公婆一齊升，怕唔怕被人講閒話，話煲呔偏心，結果老婆有得升，老公幾醒都要等一等，唔通靚女真係着數啲？
爆料熱線：29290000、27860099
報料傳真：26239278
報料電郵：[email protected]