昨日方力申到西貢出席歌迷舉行的BBQ生日派對，慶祝二十六歲。大批女歌迷伴唱生日歌，艷福不淺的方力申表示十分開心，歌迷又夾錢送Gucci頸鏈給偶像，方力申即笑問fans是否想「箍住」他。
方力申昨天二十六歲生辰，雖然未有與緋聞女友鍾欣桐共度，但他都不愁寂寞，因為他到西貢出席歌迷舉行的生日派對，百名歌迷到賀，當中女歌迷更佔多數。
方力申有美相伴，而且收到很多禮物，其中歌迷夾錢送了Gucci頸鏈給方力申，他收到禮物笑說：「個牌子名讀歪啲係箍住，咁咪即係箍住我？」他還收到「力」及「申」字形的生日蛋糕、燒豬、紅雞蛋和一幅以中國象棋的「帥」字砌成的圖畫。
歌迷圍着方力申唱生日歌，他許願時被追問是否想要一個女朋友，方力申說：「唔係，女朋友要紅咗、有事業先可以有㗎！」
甘心被綁
方力申接受訪問時說：「我已經係第二年正日生日同歌迷過，咁都好呀！咁多人同我慶祝，好熱鬧。至於屋企人，之前已經一齊食咗飯。」被問到可有收到緋聞女友鍾欣桐或鄧麗欣送的禮物，方力申說：「唔講咁多啦！我已經收到好多朋友嘅禮物，冇送嘅就收到電話短訊，總之有男有女嘅朋友啦！不過我覺得最特別係歌迷送畀我嗰本簿，寫晒佢哋嘅心聲。」
情人節收到歌迷會送的頸巾，生日又收到「箍住你」頸鏈，方力申說：「可能佢哋想綁住我，永遠同我喺埋一齊呢。」
採訪、攝影：王連連
