PorscheCarreraCupAsia要到3月先正式開賽，但上星期，有關方面已經請晒亞洲各地傳媒去馬來西亞雪邦國際賽車場，優先睇各地頂尖車手的試車情況。今年PorscheCarreraCupAsia將會成為FIAF1大賽中的兩個支援賽，而雪邦國際賽車場就是其中一站（3月19日雪邦、10月1日上海），對賽車「粉絲」來說，見到我可以同各地車手近距離接觸，一定恨死隔籬，為了幫各位止癮，我惟有將當日的情形帶回來，讓大家望「圖」止渴！
記者、攝影：黃婉冰
生力軍車手加入戰團
馬來西亞白天氣溫高達攝氏三十多度，烈日當空暴曬都咪話唔辛苦，但無所謂，可以近距離又摸又睇車手們……架戰車，呢個收穫絕對可以彌補。講開戰車，今年大會改用全新的Porsche911GT3Cup做戰車，這部以997為藍本的超級跑車，最快都要到2007年先會公開發售。至於今年的賽車手，除了常客歐陽若曦、馬清揚、符迪干、干拿等，今年亦加入了不少生力軍，新舊大比拼，即管睇吓邊個好「鍊」！
