今年係財經事務及庫務局嘅「推介年」，馬時亨風塵僕僕，繼上月去完吉隆坡之後，噚日又飛咗去阿聯酋首都杜拜，推廣香港嘅金融服務，睇吓有冇油元嚟。
臨行前肥仔馬交低個專欄，講吓此行目的。佢話中東地區資金過去大多投放到歐洲和美國等市場，亞洲投資較少。最新數字顯示，阿聯酋及沙地阿拉伯喺香港嘅投資，排名均在20位之後，不過佢預計，杜拜同香港嘅投資貿易總額，到08年時會增至100億美元。
肥仔話近排出門特別多，佢特別提醒大家，臨出門前記緊買旅遊保險，但買之前要考慮保障範圍同保額係咪切合自己所需，千祈唔好貪平，因為保障範圍愈廣，保障金額愈高，保費自然較高。肥仔馬話，去完杜拜，3月底港府會邀請泛珠三角9個省區同澳門代表，來港出席大型金融服務論壇，係佢下一輪嘅推廣騷。