張天愛前晚出席皮草活動，對於前夫邢李㷧與林青霞近期盛傳婚變，她力指二人恩愛如昔，雖行事獨立但感情深厚。張天愛又盛讚邢李㷧為人老實，絕不會有第三者及為強求兒子致婚變。
名模樂基兒、AnaR.和多名外籍模特兒等，前晚在灣仔會展舉行的「2006皮草之夜」示範逾百套皮草服飾，包括性感比堅尼、高貴晚裝和華麗furcoat。
前來睇騷的張天愛穿deepV晚裝配襯minkcoat，原來這件皮草大有來頭，她說：「呢件係我三年前喺拍賣行用五萬美金（約三十八萬七千多港元）買，係柯德莉夏萍（AudreyHepburn）嘅遺物，我收藏咗佢幾樣物件，好似《珠光寶氣》（BreakfastatTiffany's）佢用嘅煙嘴、帽，使咗好多錢。」
讚前夫老實
張天愛前夫邢李㷧與林青霞近月盛傳婚變，邢李㷧雖透過公關否認，但傳言仍滿天飛，指因青霞未能育有兒子而遭第三者介入，二人將分居云云。張天愛力撐前夫與青霞恩愛如昔，她說：「我哋成日聯絡，佢哋一定仲喺埋一齊，唔會分開。佢哋份人平時行事好獨立，但感情好深，何況兩個小朋友仲咁細！」
對於有指因「無子」致邢李㷧和林青霞婚變，張天愛指謠言不足信，她說：「佢（指邢李㷧）唔係啲咁嘅人，佢個人好natural，鍾意順其自然，唔會話為想生個仔搞成咁，大部份香港男人就會。我都冇聽過佢有第三者，佢份人係好老實。」
感激林青霞
張天愛又公開感激林青霞對她與邢李㷧所生的女兒邢嘉倩視如己出，張天愛說：「我好感激佢，佢對我個女做到一百分，好似第二個媽咪咁，又會同佢（邢嘉倩）傾啲情緒問題，我都冇咁好耐性。」
此外，甚少露面的龐維仁到場便被記者包圍，他聽到有關李嘉欣、太太黃美儀等提問即一律封嘴，其後又攬着男性友人擋駕，更說：「我同佢搞基呀！」
採訪：JessicaNgan 攝影：RickyChan
