李八方噚晚去咗文化中心，睇何鴻毅家族基金贊助嘅《蛻變》音樂會，撞到梁愛詩、董趙洪娉、邱李賜恩、金董建平等，最開心遇到多位文學大師，包括基金會顧問成員白先勇，仲有好耐冇見嘅金庸。
年過八十嘅查大俠金庸最近返咗香港，佢舊年十月去咗英國劍橋嘅聖約翰學院，修讀東方研究博士課程，今次同太太一齊返香港，金庸精神同心情都極好，仲同八方大講佢嘅留學生涯。
佢話讀咗一個學期，𠵱家放假乘機返香港見吓朋友，之後仲要讀多三年。問佢慣唔慣英國生活，佢話：「英國凍嘅啦，冇香港咁舒服，食嘢就冇所謂，我都唔鍾意食嘢。做學生非常開心，人生最開心嘅時間就係做學生。」金庸話自己響校園都不時撞到中國學生搵佢簽名、傾偈，日子過得好舒服，八方乘機問佢對西九發展文藝點睇，金庸就話自己太耐冇響香港，唔了解進展，所以唔方便講。
爆料熱線：29290000、27860099
報料傳真：26239278
報料電郵：[email protected]