在香港及內地培訓了不少健身教練、亞洲運動及體適能專業學院主席黃慎堅（Kenny）說，健身已非只純為「練大隻」，也可減肥、收身等，消費者可按需求選擇具專業資格、口碑及會為客人提供合適訓練計劃的教練，「唔好淨係貪靚仔。」
教練不應自吹自擂
身形標準的Kenny應要求躺在健身球，不但要雙手放在頭後，更需蹺腳，難度分達九點九，但曾在美國俄勒崗大學修讀體育的他仍一臉悠然。他說健身中心如雨後春筍，但部份人選擇私人教練時「淨係揀靚仔、好傾」。他說，選擇優質教練不但可助改善體形，更可減少運動時受傷危險。
健身中心會張貼教練資料，如證書、年資或專長等，Kenny說應以此作首輪篩選，「有啲專幫人練大隻，有啲叻減肥。」他說選擇數名教練後，可留意他們教授顧客時情況，並向有關顧客了解教練表現。
「仲要同啲教練傾偈，因為教健身係單對單，教練溝通技巧好重要。」Kenny表示，教練不應只自吹自擂，「佢唔應該淨係講自己攞過乜獎，要問顧客嘅體能、病歷同埋想減肥定練大隻。」他說，若教練未了解顧客狀況便輕易定下目標，「一見面就話幫你減二十磅，信唔過。」他指教練收費不一，平均每小時約六百元。
三成溝通七成鍛煉
訓練過程中，Kenny說教練應花三成時間與學員溝通，七成時間正式鍛煉，「掛住講嘢唔做運動，達唔到標，相反就做得太辛苦。」他指教練也需進修，該學院便要求教練每兩年修讀指定課程，才可繼續持有證書。他說要達健身目標，仍需自己努力，「唔聽教練話，唔做運動掛住飲酒，就無用啦。」
記者：翁煜雄
本欄請來各行各業名人講解他們最熟悉的產品，並向讀者提供消費心得，逢周一刊出。