陳奕迅（Eason）昨日出席在銅鑼灣舉行的《麥當勞903FantasticPlug流行示範》，Eason除現場唱出三首歌外，還送出他身上所穿的T恤給歌迷，Eason說：「大會叫我攞一樣身上嘅嘢送畀fans，我都唔知送乜好，最後咪諗到送呢件T恤囉，呢件衫喺我新EP入邊着過㗎，幾有意思呀。」
此外，Eason表示他的腸胃炎還未痊癒，他說：「呢排啲菌真係好犀利，身邊好多人都病，好彩冇傳染畀個女，不過佢都有少少其他病，大家真係要小心啲。」
「阿哥靚仔好多」
早前有雜誌影到其大哥幫他做跑腿，他澄清：「影到嗰個唔係我阿哥，我阿哥靚仔好多，嗰個係我司機，唔好再搞錯。」
採訪、攝影：胡比