噚日網上有消息話今年三十二歲嘅金城武喺三個禮拜前結咗婚，女方係圈外人，已懷有一個月身孕，重話金城武喺一個私人聚會度宣布呢個喜訊。消息出街之後，啲影迷喺網上討論，話唔怪得金城武早排話要戒煙，但關仁覺得呢個消息可信性甚低，邊有人大肚一個月就會話人知㗎，一般人發現有咗，check得嚟都差唔多有咗兩個月啦！而金城武嘅台灣經理人姚宜君亦直斥件事好荒唐。