我肥平向來鍾情日本菜，不過價貴刺身唔係我杯茶，反而地道街霸嘢啱我胃口兼荷包，所以我撐「遊食手打烏冬」，事關呢度啲烏冬全部人手搓，單單呢份誠意已經值回票價。講到我最Buy非九州辣味番茄烏冬莫屬，用九州豬骨湯底，番茄同辣味配搭得唔錯，入口無搶晒豬骨湯味道，下午茶時段落嚟幫襯仲抵，$18包埋嘢飲（周一至五供應），邊度搵？遊食手打烏冬（31019606）地址：尖沙嘴赫德道6-6A地下A-B舖
肥平：乜都放入口，最叻搵平嘢食，搞到肚腩大過佢個頭。
