馮仁昭四圍超：張震嶽手術拔釘拍片留念

張震嶽舊年九月喺台中參加BMX單車比賽，喺練習時因為唔小心失重心，搞到右小腿骨折，經過兩次開刀，同半年休息，張震嶽日前又返咗台中做第三次手術，呢次要喺小腿裏邊將鋼釘拎出嚟。

堅持撐老友場

張震嶽好友熱狗知道咗之後，即刻義不容辭話要陪佢入去開刀，仲將整個過程拍低。當日就係由熱狗推住坐輪椅嘅張震嶽入手術室，手術做咗兩粒鐘，一切順利。醫生要佢最少休息一個月以上，好等傷口復原，以免傷口因劇烈運動裂開引起細菌感染。不過，張震嶽話聽日點都要去西門町，撐熱狗簽唱會嘅場，撐老友又點及身體緊要呀，咁唔聽話果然維持佢Rock友嘅本色。