挖鼻喺好多人心中都係核突嘅動作，但一講起就人人都會，無論你係細路或大人，點都會挖鼻，分別只在於人前或人後。有人因為呢個動作要出書大講特講，點解要出書講挖鼻並唔重要，最重要係一提起個個都有共鳴，講嘅開心，聽嘅過癮。
記者：馬靜兒 攝影：周旭文
著書立說
《挖鼻史》其實是台灣譯本，原著是《NosepickingforPleasure》，作者羅蘭．胡彈（RolandFlicket）聲稱是舉世公認嘅挖鼻權威。聞說這本書是史上首本有記錄挖鼻史嘅書，講述挖鼻嘅歷史，教授挖、掏、彈、拋嘅必殺技，甚至有埋中英文歌仔唱㖭。書中所述，古埃及壁畫中，有男性以手指挖鼻嘅圖畫。11世紀英國威廉國王甚至頒布「挖鼻禁令」，禁止民眾公開挖鼻屎，違例者將處以極刑，一斧斃命。拿破崙係「鼻屎大王」，為咗唔畀佢挖鼻屎，佢嘅右手縫在左胸軍服下，以免繼續「開礦」。書中有多幅插圖，如自由神像、伊利沙伯女王一世和梵谷自畫像等都在挖鼻。其實書嘅內容屬好笑多一點，至於所提及嘅史料是否屬實，則無從稽考。
漢英小字典
有關鼻嘅英文原來有很多，現詳細列下，你平日未必會用，但知多啲都無蝕底。
鼻垢 （Snot） 鼻內半液體狀嘅綠色物體。
鼻垢 （Bogey） 在彈、揑、揉和吃下之前嘅成品。
挖鼻 （Gouge） 把食指和拇指伸入鼻內取出鼻垢。
鼻涕 （Gunge） 黏液狀嘅鼻垢
擤 （Blowing） 以強力呼氣，把鼻涕由鼻子吹出來嘅動作。
明星鼻「史」
其實，大部份人小時候都經常挖鼻，當中不乏有趣爆笑嘅場面。
EO2Eric：食鼻屎
「細個有次上堂好肚餓，啱啱有塊鼻屎跌出嚟，我就放入口，於是俾班主任鬧。」
EO2Eddie：流鼻涕
「試過有次大傷風搭地鐵，唔小心將啲鼻涕流落隔籬乘客件衫上，我梗係即刻閃啦。」
Mandy：錯當藥丸
「小學時愛將有鼻屎嘅紙巾周圍放，阿媽習慣用紙巾包藥丸出街，有次佢攞錯我嘅紙巾，打開係鼻屎，即刻打電話鬧我。」
Don：枱底有料到
「細個幾兄弟習慣食飯唔蹺腳，因為枱底永遠都有我們嘅鼻屎，邊個蹺腳掂枱底邊個中招。」
星相觀鼻術
據書中所載，每個星座都對挖鼻有唔同態度，你大可從佢挖鼻嘅手勢知道佢嘅星座。
白羊座
積極進取，死命將食指伸入鼻孔，不顧一切努力地挖掘。
雙子座
唔會放過挖鼻機會，如被發現，就會找藉口：「我個鼻好痕」。
巨蟹座
佢哋用拖字訣，等到動手時鼻屎已硬化，結果要死命挖。
獅子座
最享受挖鼻之樂，如橡筋般把它拉出來，揑成小球。
天蠍座
最懶惰，唔愛挖鼻，卻是很好嘅雕刻家及室內設計師。
