冇見一段日子嘅證監前主席沈聯濤，噚日以講者身份出席由歐盟主辦嘅研討會，講題為亞洲同歐洲金融市場嘅經驗。
會後佢同八方講吓近況，自去年底退任證監會主席後，佢去咗南美洲旅行，睇吓靚景，食吓靚牛肉。真係享受人生！至於之後嘅去向，將返吉隆坡馬來亞大學出任客席教授，向學生傳授金融貨幣知識；至6月又會到清華大學教書，嗰次就會講金融監管課題。似乎都幾唔得閒。
噚日嘅研討會，佢開場白時笑話，由於已貴為無業人士，講嘢都可以有較大自由度。
佢認為𠵱家市場對全球貿易不平衡過於憂慮，雖然話唔少製造業都遷往內地，造成對美貿易好大逆差，但大家唔好忘記呢啲貨品嘅最終擁有者唔少係外商，佢哋對呢個情況一啲都唔憂慮。
傳真︰2623-9278
電郵︰[email protected]