容祖兒前晚錄影無綫新遊戲節目，慘被另一嘉賓陳百祥（阿叻）取笑她無知，令她十分尷尬。無獨有偶，祖兒早前在無綫頒獎禮中，亦遭傳與英皇老闆楊受成不咬弦的曾志偉狂寸，難怪祖兒說：「唔知點解每次見到佢哋嗰堆，都係咁。」
一眾歌手和藝員前晚在將軍澳電視廣播城錄影無綫新遊戲節目《15/16》歌星藝員慈善版，出席歌手有容祖兒、古巨基、梁漢文和薛凱琪，藝員代表就有陳百祥、袁彩雲、廖碧兒和吳家樂，森美和小儀則擔任主持，該十三集節目將於下月五日開始播出。
尷尬口啞
八位藝人前晚錄影首兩集時，先鬥快回答一條問題爭出線權，該問題是「農曆二月初二係頭禡，咁農曆十二月幾多號係尾禡？」答案選擇有A.15和B.16，最後答案是Ｂ，陳百祥用了最快的零點八六秒答中，其次是容祖兒用了一分零四秒答到，故二人齊齊出線，並須回答七條問題。
曾志偉和楊受成曾傳不和，早前志偉在十大勁歌金曲頒獎典禮中見到楊受成的愛將祖兒時，亦不畀面揶揄她，前晚志偉的好友阿叻亦似衝着祖兒而來。玩問答遊戲時，阿叻完全不留情地寸祖兒，其中有條問題是「零售連鎖店，每天由誰人負責開舖？」答案選擇有店員和保安員，祖兒說：「梗係老細開啦。」阿叻亦乘機入位說：「係講緊屈臣氏，有咁多間屈臣氏，唔通屈臣氏逐間舖去開。」森美亦插嘴說：「唔知六叔（邵逸夫）會唔會返嚟開廠呢？」阿叻亦大寸說：「咁無知嘅。」弄得祖兒尷尬兼口啞啞。
唔識睇人
另外，主持要求二人在兩個大隻佬中分辨哪個是消防員，祖兒自詡識睇人真假，阿叻即時寸她說：「識睇人真假，就唔係今時今日嘅你啦。」最後阿叻勝出，共贏得六千元獎金。
對於被阿叻狂寸，事後祖兒笑說：「預咗啦，佢話我無知我都認㗎，我口才唔及佢，唔係就做佢個位啦，不過我唔會嬲。」對於「識睇人真假，就唔係今時今日嘅你」這番話，祖兒說：「係啦，佢好似好了解我咁。」至於被窒到口啞啞，她說：「我識窒人就做到佢個位啦，但唔知點解每次見到佢哋嗰堆，都係咁。」
採訪：卓美娟 攝影：仇志德
