楊思琦、李永豪、鄧健泓、彭健新和利嘉兒昨日齊到將軍澳電視廣播城，出席無綫收費電視新節目《招收狗同學》記者會，各位藝人均帶同自己的愛犬出席，盡展牠們的絕技。
見面就打
楊思琦的愛犬八哥矇矇豬既懂得跳又識得轉圈，相當乖巧。不過當矇矇豬見到思琦男友李永豪的西施愛犬旺旺時，即吠個不停。
思琦說：「我屋企有七隻八哥，有時帶去男友屋企玩，一隊八哥黨，一隊北京、西施黨，試過見面就打起上嚟，通常都係八哥黨贏，因為八哥大隻啲。」
問到思琦家中要養七隻八哥，那每月支出可會相當龐大？她說：「所以要畀心機賺錢養佢哋囉，雖然咁辛苦，但我覺得都係值得，好多時我返屋企，佢哋一聽到聲就會列隊喺門口等我，我唔開心，佢哋又會聽我講心事。」
採訪：楊潔雯 攝影：陳偉權
