一連三場的「關於我關淑怡」演唱會前晚正式開鑼，演唱會期間螢光幕播出三段剖白關淑怡內心世界的片段，並首次公開與兒子的溫馨親嘴照，她在場旁述時更感觸落淚。
關淑怡一連三場的紅館演唱會前晚正式開鑼，兩個多小時的演唱會上，她共換了七套衣服，唱出多首首本名曲，其間她分別與嘉賓林一峰和草蜢合唱，現場反應熱烈。
與兒子一同學習
向來行蹤神秘的關淑怡，在個唱上播出她的生活片段，片中更有她穿三點式暢泳及懷胎時的超聲波圖片，關淑怡談到兒子時說：「以前我鍾意獨立，係第一次多咗個人，冇乜經驗，所以我同佢一齊學習。」大會隨即播出關淑怡與兒子隔着鐵絲網親吻的溫馨片段，她續說：「有一次好touching，佢剛識坐嘅階段，有晚同佢一齊瞓，佢突然間推我，係第一次識用推嚟叫我，望住佢個感覺真係唔識形容。」
其後關淑怡深情剖白內心世界，更一度流下眼淚，她說：「入行以嚟傳過好多嘢，唯一中嘅係我生咗BB，唔知點解傳我做嘢突然失蹤，又話應承咗人後冇出現，I'mhurt，because啲人信，係咪見我喊你哋先開心？作為一個歌手、女artist同媽咪，我問心無愧。」
關淑怡曾被指答應唱黃偉文作品《最佳位置》又反口，結果由趙學而頂上，現場播放關淑怡與黃偉文的對話，黃偉文笑說：「我好擔心你，會唔會演唱會換衫時間突然唔出場㗎？以前同你去睇戲，突然間你會走咗去，原來係屋企煲咗湯未熄火。」
關淑怡完騷後接受訪問，問到兒子可有來捧場，及有沒有一首歌是送給他？她說：「有一首係，我哋心裏面知，但太夜，佢唔嚟睇。」
李進認減價促銷
對於被指門票滯銷，需要半價賣給銀行職員，李進的回應甚為奇怪，他說：「乜都係我哋（製作單位）搞出嚟，行業運作個artist唔知㗎，大家做咁多嘢，都係想佢舒服出嚟，有自信啫！唔通報紙賣得唔好，我哋去投訴浪費斬好多樹咩！」
採訪：王連連
攝影：陳慧安
