全新積架XK神秘現身車未到先賣15部
早日筆者如常在灣仔告士打道一帶的汽車陳列室逛街搵料，行到夏愨大廈積架陳列室時，外牆與平日不同，見到陳列室內有一部車蓋上神秘的黑布，於是筆者便入內與市場部的同事打聽一下。
這部車是即將到港的新款XK，諗住打開黑布影張相，代理朋友卻表示暫時唔得住，XK由總廠運來作預展，主要供已訂車的客戶及貴賓參觀，要有預約先可以睇車，我白撞入來，當然無得睇！然而，我趁代理朋友打開車冚為XK做清理工作時，偷偷地為大家影了幾張，哈哈，我同事Winnie剛剛在南非試完車回來，篇稿都未出我已偷步影相介紹，勁呀！此外，據代理表示，新車已有定價，硬頂版$1,398,000，開篷版$1,498,000，車未到已賣出15部，而這車只會展覽至26/2（星期日）。
記者：袁國基
查詢：25200989
