梅艷芳媽媽覃美金（右）上兩星期入咗聖保祿醫院做心臟手術，佢噚日就由個仔梅啟明陪同下離開。今次個手術用咗十六萬幾都冇錢找，梅媽話：「啲錢要係德勤會計師樓批出嚟，本身話今日有人拎錢嚟，但係𠵱家都未見人。𠵱家同醫院簽擔保信，七日內要找數囉！」梅啟明就猛鬧，最唔明就係梅大哥講句：「咁咪浪費晒阿梅啲錢啦！」唔知佢話邊個呢？