記者陪伴周太到九龍醫院探望周先生，周先生推輪椅駛近，周太即趨前，一臉關切地問：「食咗飯未？我帶咗湯同餸畀你呀！」周太打開飯盒湯壺，服侍周先生用膳。
其間，談起周先生於深切治療病房昏迷十多天時，周太雙眼通紅說，一直習慣依賴丈夫，出事後又要處理各項瑣務，她曾站於家中露台，想過攀窗跳樓尋死。
「嗰次喺屋企打電話通知大女爸爸出事，佢當時喺地鐵攬住同學仔喊，我自己又坐喺屋企梳化係咁喊。之後企喺露台，覺得做人做得咁辛苦，不如跳落去一了百了。」但轉念間想及丈夫醒來時見不到自己，可愛的幼女又年僅六歲，才打消尋死念頭。
周先生聽罷後即用手輕拍太太，連聲道：「你咪亂諗呀，冇咗你我真係唔知點算呀！」他稱，兩夫妻感情甚佳，從沒吵鬧，妻子於意外發生後，每天不間斷送湯送飯，令他康復進展理想。
周先生現時的願望，除早日康復，亦希望向院方申請於周末假日請假返家，一享天倫。「我好掛住兩個女，𠵱家日日要做物理治療同職業治療，學習點樣單腳生活，點樣用力，但點辛苦都好，俾我見到兩個女我就乜事都冇㗎喇。」
切除壞死肌肉保命
「食肉」菌是多種可引起「壞疽性筋膜炎」細菌的俗稱。這些細菌的共通點是侵略性強，能迅速在皮膚下及軟組織擴散，分泌破壞血管的毒素，使大量肌肉因血液供應中斷而壞死，出現所謂「食肉」現象。
除抗生素外，大部份病例需靠切除壞死肌肉活命。預防方法只有妥善處理傷口。「壞疽性筋膜炎」並不常見，對患有肝硬化、糖尿等病人，則較易發生。
資料來源：蘋果資料室
蘋果投訴熱線：29290000
社會服務熱線：29908288
傳真：23702192
電郵：[email protected]