鄭嘉穎早前玩占卜遊戲，指他於四月會遇上智慧型的心儀對象，不過他日前受訪時卻自爆擇偶要求高，故至今仍未遇到心上人。問嘉穎可會與在《天幕下的戀人》中飾演其女友的周麗淇戲假情真，嘉穎坦言拍完劇便要抽離角色，否則會有很多女友黐身。
鄭嘉穎在劇集《天幕下的戀人》中飾演事業心強的有為青年沈朗，求學時已被由周麗淇飾演的高逸詩暗戀，二人最終發展成情侶。問鄭嘉穎在讀書時可有試過暗戀滋味，他日前在尖沙嘴接受訪問時說：「我真係冇試過暗戀，因為我讀男校，但就有同其他學校搞聯誼活動，我知有女仔鍾意我。」
抗拒三角戀
這次是嘉穎繼《翡翠戀曲》後，再度與周麗淇合作，問二人可有擦出火花，嘉穎笑道：「係有火花，因為大家唔陌生，亦唔使warmup。」問他可會戲假情真，嘉穎說：「拍戲時我要投入，沈朗係鍾意阿詩，我要說服自己鍾意佢，但拍完就要即時抽身，如果唔係每套戲鍾意一個，就有好多女朋友。」
嘉穎早前出席宣傳活動時玩塔羅牌占卜，指他將於四月遇上一名智慧型的心儀對象，提及此事時，他笑說：「我都期待拍拖，不過我份人好奄尖，係有要求，所以到目前仍然一路尋覓對象。」那麼可有考慮曾合作過的對手如周麗淇和陳敏之？嘉穎說：「唔會限死圈中人，但只係未遇到心上人啫。我亦唔會發展三角關係，如果對方有男友，就算我對呢個女人有感覺，因為我知道唔會有好收場，只係得個煩字，所以一定唔會開始。」
採訪：馮美茵 攝影：陳偉權
服裝提供：Sisley
場地提供：CafeColorado
