黃宗澤日前與逾百fans在尖東舉行聚會，當他與fans重演電視劇《我的野蠻奶奶》其中幾幕戲時，竟扮胡杏兒「耶」一聲撒嬌，冧到一眾女fans捧腹大笑。
黃宗澤日前在尖東一間酒店舉行fanclubparty，筵開十一席，有一百二十一位fans到場，席間他非常忙碌，不停過枱與fans聊天、拍照、簽名，又與fans玩遊戲，包括《獎門人》的大電視環節，宗澤更與fans重演《我的野蠻奶奶》劇中幾場搞笑場面。
學林志玲嬌俏
不過，宗澤將劇中角色掉轉，由他扮胡杏兒所飾的鐵嘴雞田力，女fans就扮他飾演的不留名，男人老狗的宗澤扮杏兒嬌滴滴地「耶」一聲時，確令女fans笑破肚皮。
事後宗澤笑說：「我扮胡杏兒講『呢個嘢，耶！』一定耶得好過佢啦，佢拍呢場戲時，佢都唔識耶，佢好硬㗎，我叫佢好似林志玲咁耶就得啦！」
在聚會中，有幾名媽咪級女fans帶女兒一同參加，宗澤更向小女孩獻吻，他說：「其實有啲係媽咪同個女都有睇我做戲，有個六、七歲嘅小妹妹，佢好得意，我都有錫佢攬吓佢，有個大少少，十一、二歲嘅女fans，我成日都問候佢同佢媽咪嘅，佢哋都好好㗎。」
採訪：朱倬誼 攝影：何國豪
