本地私人銀行生意鬥到頭崩額裂，要留住班貴客，銀行都要出錢用腦先得。滙豐私人銀行上星期五、六，就招呼咗逾1800個客戶及嘉賓去睇演唱會，呢個歌手，係意大利情歌王子柏西奧（PatrizioBuanne）。
今年26歲的柏西奧首次嚟香港演唱，被喻為「現代版DeanMartin」，風靡唔少歌迷（首張個人大碟未計美國在全球銷量已達50萬張），因為靚仔和打扮一絲不苟，加埋渾厚的男中音，首首經典名曲如AManWithoutLove、That'sAmore等，唔單止在場嘉賓拍爛手掌，連滙豐私人銀行亞洲行政總裁王以智都畀佢冧到。
王以智喺謝幕時，特登上台，感謝柏西奧專誠來港為滙豐私人銀行獻唱（圖），而在台下呢對靚女靚仔就更加影咗唔少合照。