Focus轉行用鷗翼
愛改車的人果然遍布全世界，這本南歐小眾的Hardcore熱血派改車書，當中有大改、有小改，《RASHTUNING》封面是部大改豐田Celica，另有改用鷗翼車門的福特Focus，由於係西班牙文，睇都唔明，香港又好難買到，我睇完同你分享吓喇。
今次在雜誌上看到福特Focus連車門也轉用鷗翼，車主先換上全車白色真皮加紅色中控台裝飾作配襯，連軚盤也換上F-1賽車Style，外觀是19吋電鍍胎軨、火紅色車身，呢啲咪叫型爆囉！
後半部的大改豐田Celica，同樣用火紅色車身示人，全車包圍、大尾喉、19吋電鍍軨、碳纖頭冚等等，真係講得出的也有，加埋車尾大定翼，揸出街收視一定爆燈。機械部份的改動則是出自TRD，不論引擎輸出，還是懸掛系統皆換上Sporty，想做街霸真係話咁易。
記者、攝影：鄭達基