韓農的厲害，相信世貿期間香港警方領教過不少；然而，鎮壓暴動聞名的南韓軍警，其拳腳功夫豈不是比韓農更厲害！最近，一種集武術、精神修煉、強健體魄及自衞術於一身的南韓合氣道，正式打入香港巿場，今期〈至in運動潮〉就帶大家感受這種連南韓警政部也要修讀的搏擊課程有多厲害。
文：李勇明
圖：黃冠華
俗語有話天下功夫出少林，合氣道的起源相傳亦是傳自中國，只不過在五十年代開始流傳至南韓，變成今天的南韓合氣道。金道跆拳道及合氣道協會創辦人金鐘鎬師傅表示：「南韓合氣道雖然融合咗拳、腳、搏擊、擒拿手、摔撻、空翻、穴位及兵器多種武術精華，不過我哋主張嘅係以柔制剛，制敵而不傷敵為大前提。對練嘅時候，學員只係令對手失去抵抗能力，呢啲就係合氣道同其他搏擊功夫分別之處。」
遇上色狼也可脫險
本身獲得跆拳道黑帶的王小姐，半年前開始練習南韓合氣道，年僅十六歲的她，對新武術有以下評價：「對我來講，跆拳道只係一種運動，而合氣道就係一種武功；因為合氣道嘅實用性比較強，如果唔好彩遇到色狼，俾人扼頸或推跌落地，嗰時用關節技或按穴呢啲技巧細節嘅運用，就可以輕易脫險，好有實戰Feel。」
自衞強身keep弗身形靚
由於合氣道沒有套路動作，亦沒有特定招式，所以靈活性比其他武術大。目前，南韓多個警政部門和防暴機構，全部加入合氣道課程，合氣道在南韓的流行程度可見一斑。
另外，金師傅認為，南韓合氣道除了有自衞、強身健體功效外，同樣亦是一項不錯的收身運動，簡單一課兩小時的訓練，包保你練得大汗淋漓；身形靚了，武功好了，自信心仲唔番晒嚟。
‧示範的徒手擋刀動作，是經過嚴格訓練，切勿模仿。
