美國房地產大亨唐納德．特朗普（DonaldTrump）搞嘅真人騷《飛黃騰達》受全球電視迷歡迎。港大有樣學樣，舉辦「飛黃騰達@港大」，噚日嘅決賽由IBM管理層做考官，測試參賽者嘅商業決策能力。
參賽者都係大學生，考官賽後讚佢哋英文講得唔錯，不過答問題就掌握唔到重點。最後比賽有四個人勝出，每人都有份IBM暑期實習合約，月薪九千蚊。
另外，浸大今年創校五十周年，校方準備咗幾十項活動慶祝，下周二會率先舉行校慶啟動禮，藝人何守信同梁繼璋，以及幾間傳媒新聞部高層，包括陳淑薇、趙應春同埋關偉等校友都答應出席。
傳真︰2623-9278
電郵︰[email protected]