郭可盈為了擔任健康食品代言人，不惜忍口戒吃煎炸食物一個月，讓皮膚以最佳狀態示人，拍攝當日可盈更以純白天使造型上陣，不過她卻透露最想拍名車與鑽飾廣告，因為既高貴又有型。
郭可盈日前應邀為健康食品「綠養坊養顏專方美肌調理產品」拍攝硬照及電視廣告，可盈今次獲產品老闆娘賞識，親自監場之餘並重酬邀請她擔任代言人為期一年，令可盈獲利豐厚。
恍如公主出巡
拍照當日，可盈以天使造型上陣，穿上一套純白色連身裙拍攝，由於要近鏡拍攝面部表情，可盈之前已做足準備工夫，她說：「知道要拍呢個廣告近排都好小心護膚，好耐都唔敢食煎炸食物，不過食咗產品後腸胃暢通咗，皮膚自然有改進，今次最開心係導演畀好大自由度我，好多面部表情同對白我都可以自己發揮。」
除了酬勞令可盈大感滿意外，廣告商又安排了專用化妝師上陣，亦有專人教路擺甫士，令可盈拍攝當日有如公主出巡般深受重視，令她心情大靚。
吼實貴價產品
提到平日的護膚心得，可盈說：「都係以水份護理為主，因為有時拍完外景接觸陽光會令皮膚乾燥，水份好重要。」
由出道至今，可盈已接拍過包括樓盤、護膚品等多種不同類型產品廣告，她卻表示希望再試其他種類產品，而令她最感興趣的是鑽飾和汽車廣告，因為既高貴又有型，可盈更希望今年可以完成心願。
採訪：卓寶花 攝影：陳慧安
