家住天水圍的低收入綜援戶蔡先生，已讀畢數個培訓課程，曾天天長途跋涉到佐敦上班，合資格領取財政預算案宣布推出的一千五百元的一次過「額外津貼」，和不逾一千五百元的「短期交通費支援」，但蔡先生認為有關措施對他幫助不大，「一日冇長期交通津貼，我哋都好難出九龍打工。」
坐長途巴返工：車費好貴
蔡先生曾到佐敦的地盤當散工，月薪約七千八百元，但每月要支付一千元交通費，合約結束後，他放棄了跨區工作的念頭，改為在天水圍的地盤做散工，月入僅得六千元，一家三口要向社署申領約三千元低收入津貼幫補家計。「我都好想去九龍做嘢，搵多啲錢就唔使靠綜援，但係冇長期交通津貼，只好留番係元朗、天水圍搵工。」
四十八歲的單親家長阿英，一家三口居於屯門。她每朝清晨五時就要乘巴士到灣仔上班。任職客戶服務員的她，月入雖有八千，但交通費已佔一千元，「車費真係好貴，如果唔係鍾意返工，都可能會放棄。」財政預算案沒給阿英提供任何紓困措施，她感到相當失望，「我哋人工又冇得加，物價又貴咗，點解政府唔做啲嘢鼓勵吓我哋呢班中年人再就業？」
本報記者