八方日前同電訊管理局總監區文浩食飯，大家笑佢個局真係旺，因為已經換咗三個老頂，由唐唐到鬍鬚仔到平哥，真係個個都好有前景。
區文浩雖然明年夠鐘退，但係政府正密密搞緊將電管局同廣管局合併，到時在在要人才，區兄未必退得成。點都好，香港電訊業咁蓬勃，一定唔憂。
不過，區總監就算退亦冇所謂，反正佢都好識得安排生活，原來區文浩都鍾意行吓山，佢仲特別提大家，如果喺郊外，打唔通999，可以試打112，因為只要你身處嘅位置任何一個本地流動電話網絡覆蓋，致電112都可接去999緊急通話中心，唔使徬徨無助。
如果你嘅電話漫遊至大陸嘅網絡，就可以利用漫遊服務打返香港求救，雖然貴啲，有得救總好過冇。
傳真︰2623-9278
電郵︰[email protected]