《斷背山》講述兩個西部牛仔的同性戀故事，導演李安憑此片橫掃多個頒獎禮，下月更會角逐奧斯卡的最佳導演和最佳電影等獎項。該片前晚在香港舉行首映，觀眾對《斷》片都有讚沒彈。
Derek 評分：A
「我睇完認為呢套戲得獎實至名歸，李安好有勇氣拍呢啲題材，佢拍人性同感情戲掌握得好好，拍得一啲都唔突兀。」
郭先生 評分：B
「全套片我最覺得感人嘅一幕係兩個男人因為不為世俗眼光接受，佢哋迫住要偷情，加上其中一位男主角向另一位講愛佢愛得好辛苦時，好大震撼。」
Helen 評分：A
「我未睇呢套戲都對李安導演好有信心，我最難忘係兩個男主角重逢，佢哋擁抱，而其中一個男主角嘅太太喺樓上望到，佢個心好痛。呢套戲雖然講男人搞基，但一啲都唔核突。」
