李珊珊噚日喺新城接受訪問，一坐低就嗌唔高興，佢話自己算係一個好合作嘅藝人，唔明點解今次有雜誌話佢同錢嘉樂分手，竟然唔嚟問吓佢嘅回應。珊珊話最嬲係話嘉樂跪地求婚博箍煲，佢話：「對我嚟講，錢生係一個寶，咁一個寶又使乜做呢啲嘢呢？我可以用人頭擔保，我哋冇為過我工作或任何事鬧交。」