無綫新劇《鐵血保鑣》演員馬浚偉、姚子羚、黎諾懿及黃泆潼等，昨日到屯門黃金海岸一泳池宣傳，他們分成兩隊參加比賽，鬥快運送貨物到對岸。
其間，曾拍攝劇集《當四葉草碰上劍尖時》的姚子羚慘被多個男演員圍攻，更從橡皮艇被硬拉落水，不諳泳術的她幸好穿上水泡，才不致遇溺。
「最怕冇嘢睇」
事後姚子羚說：「我一早同佢哋講，話我唔識游水，叫人千祈唔好掟我落水，到最後連相公（馬浚偉）都掟我，好彩我着泳衣打底，但係俾人掟落去都好驚，因為我細個試過差啲浸親，到𠵱家都有陰影。」
而馬浚偉穿着闊腳短褲在水中激鬥時，無意中被抓了一度血痕，他說：「我噚日發燒，冇諗過落水，今日氣氛咁好，冇辦法，今日條褲咁長我又唔怕走光，落水現形唔緊要，最怕濕都冇嘢睇。不過點都唔夠伊健勁！」
採訪：楊潔雯 攝影：葉君海
