應用科技研究院行政總裁楊日昌係台灣人，回想當年港府派員到台灣游說佢接掌應科院，對方只係講咗20分鐘，佢就一口應承。
當時佢係台灣工業技術研究院嘅副院長，旗下有6000科研人員；他笑言工作太舒服，所有工作都有同事負責，因此想接受新挑戰。而且喺香港從事科研工作，服務嘅市場係大中國地區，台灣方面冇得比；仲有香港夠開放，喺請人方面更有優勢；加上創新及科技基金會撥款作為研究院經費，咁就吸引咗佢嚟喇。
雖然香港應用科技研究院規模比唔上台灣工業園，前者𠵱家只有320個員工，台灣就有6000名員工，不過佢話香港勝在夠集中，做最尖端嘅高新資訊通訊科技，佢話呢方面跟台灣比唔單止唔輸蝕，而且表現更好呢！