「喂！瘦東呀！我約咗女朋友屋企人食飯，第一次見家長，有無好地方介紹？」「有！尖沙嘴間『唐閣』啦！」呢間「唐閣」認真巴閉，02年被美國酒店雜誌《HOTELS》選為「全球酒店食肆」，04年再被美國飲食雜誌《GOURMET》選為「全球最佳酒店食肆」之一，梗唔會失禮喇，呢排「唐閣」又有新菜式推出，尤其嗰道玉簪鮑魚卷，用蝦膠塗喺鮑魚片上，包住蘆笋頭煮，做得幾爽口！聽講呢度將會同國泰合作，為飛機提供部份菜式，呢味玉簪鮑魚卷喺飛機頭等先有得食㗎！認真威水。
唐閣（23751133）
地址：尖沙嘴北京道8號香港朗廷酒店1樓
瘦東：專食貴夾唔飽嘅嘢，口味同揀男友一樣：嘴刁！