舊年一手市場大旺，發展商同代理合作無間，炮製出唔同名目嘅銷售冠軍，差唔多係代理行都攞過獎，作為龍頭大行嘅中原，為確認市場地位，主動去信畀各大發展商，要求正式簽授同意書，證明中原奪冠，比過往口頭承認冠軍身份，有力得多。 據中原列舉嘅各項大獎，獲得超過十間發展商確認銷售冠軍，如信和認同中原喺九龍區銷售冠軍、長實同嘉里就頒發最高成交金額畀中原、新鴻基地產等就頒發銷售冠軍大獎等。