Google終於喺香港現身，噚日宣佈喺香港成立香港及東南亞銷售及營運中心，作為拓展國際業務嘅橋頭堡。呢個辦事處會為東南亞市場嘅企業同廣告代理商提供Google嘅廣告服務和市場推廣方案。唔好以為佢哋以搜尋器服務為主，查實係佢哋個網站都可買廣告。
以前雅虎都有買Google的服務，吸引用戶；之不過，自從Google自已sell廣告後，分歧就開始，始終同行如敵國。攪到雅虎亦要收購公司自行開發搜尋器服務，現時Google登陸香港，即係話Google已經班晒馬搵網上廣告生意嘅客仔，Yahoo!要留住啲客就要醒定啲喇。
Google亦同時喺區內推出授權代理商計劃，包括電訊盈科指南及亞太網絡資訊，負責幫佢打入香港中小企嘅市場，仲會為佢哋提供培訓和市場推廣等支援。Google香港及東南亞業務總監于凱元（圖）話，Google廣告計劃成效唔錯，最開心就係搵到各代理商夥伴合作。