薑真係越老越辣，聽新聞處前處長丘李賜恩教路就知好嘢。話說上周六新聞行政人員晚宴，新聞處處長蔡瑩璧有事先走，剩低候任處長邱騰華俾傳媒玩問答遊戲。
八方同地鐵公關江麗群唔執輸，問邱候任每日一起身睇邊張報紙？聽邊個電台？昅邊個電視？點知邱候任顧左右而言他，話由老婆決定，上台幫拖嘅陳羿亦如是說，搞到丘太唔抵得親自上台指正，話呢種推三推四嘅答案唔得，ifpressed（如果被追問）你點好？所以都係直接答好啲。
之後，又到有線嘅陳潤芝問邱兄，如果特首唔聽勸告點辦？邱兄新手當然冇乜橋，丘太即刻教佢反問煲呔，「你係唔係唔想多做五年？」真係一針見血，所以話，與君一席話，勝讀十年書。
傳真︰2623-9278
電郵︰[email protected]