鍾嘉欣、陳錦鴻、陳浩民、胡定欣和譚小環等昨日到將軍澳電視廣播城為無綫新劇《搜神傳》試造型，齊齊以妖魔鬼怪的服飾亮相。
一身千年妖精裝束、雙眼發青光的胡定欣，最近與吳浩康蜜運，不少人上前恭喜她，但胡定欣似乎不願多提此事，竟回敬大家說：「生日快樂！」她續說：「都係工作要緊，私人事唔想講太多。」吳浩康公開拍拖後表現興奮，但胡定欣卻表現冷淡，似乎吳胡拍拖一事，並非協議公開，對此胡定欣說：「唔關協議事，都俾人影咗，不過我係新人，都係想集中工作。」
「都唔嫌我老」
陳浩民不經不覺在無綫拍劇十年，他說：「今次又係拍番我老本行，好似《封神榜》、《西遊記》，今次添叔（李添勝）搵我做，都唔嫌我老。我記得ＴＶＢ第一套劇係添叔搵我做《天龍八部》，拍完呢套我就可以攞十年金牌。」
採訪：楊潔雯 攝影：陳慧安
