錢嘉樂（右）噚日接受商台電話訪問，講番日前佢喺菲律賓當住成班明星足球隊隊員向李珊珊（左）求婚。嘉樂仔笑笑口話諗過旅行結婚，不過𠵱家決定搞番個大婚禮，但係實質計劃未有。佢仲話求婚後短短五分鐘就有人贊助六十圍酒席，至於吳家樂，因為佢個未婚妻周蕙蕙係其士集團太子女，咁有錢，所以冇人肯贊助。