日股有啲癲癲哋，指數郁吓講幾百點上落，港股則自由行，冇跟到貼。恒指升28點，淨係隻中移動（941）升0.40元，已經令恒指向上移動25點。
國內電訊股隻隻郁，跟風炒，搵佢哋啲C輪短炒。
中電信C輪9886：中電信（728）喺同類股中，相對落後，可望跑番快啲，跟番大隊。
揀中電信C輪埋手，有9886同9796可以考慮，兩隻都係易買易賣貨色。
9886喺7月中夠鐘，輪價36仙，溢價2.2%，槓桿率8.1倍（有效6倍），引伸波幅28.9%。
9796喺9月初夠鐘，輪價亦係36仙，溢價4.6%，槓桿率8.1倍（有效5.5倍），引伸波幅30.4%。
聯通C輪9772：聯通C輪最值得博嗰隻係9772，5月尾到期，輪價53仙，溢價4%，槓桿率12.4倍（有效7.7倍），引伸波幅30.8%。
7月到期嘅4462交投較9772多，槓桿率又勁，達28.5倍（有效8.5倍），不過5個月壽命要畀18%溢價，制唔過。
網通C輪9515：揀網通C輪走短線，最正路對象係9515。
隻輪喺4月尾夠鐘，輪價2.15元，溢價3.1%，槓桿率6.4倍（有效5.1倍），引伸波幅46.3%。
章盛