小小超檔Now，同六叔六嬸、殼王檔新電視究竟點合作，終於揭盅，成單刁邊個係莊邊個係閒，相信絕大多數正常的人都會諗到；之但係噚日佢哋由鰂魚涌小小超地盤，失驚無神改為喺只得華華認為係方便嘅將軍澳電視城揭盅，感覺就有啲耐人尋味！
探子回報話，莊同閒基本上都想喺番自己地頭見記者，前晚為止仲係話係電盈14樓，連帖都出埋，噚日朝早，最後都改番喺電視城，無人敢問點解，最後電盈臨急臨忙租架14座，將部份喺灣仔嘅傳媒車入電視城，而陳錫年喺記者會上就回應話係大股東TVB行個方便，借出場地云云……但計華華話，不如話小小超敬老讓六嬸仲好啦!
講番TVB，爭番個尾彩就算啦，成班記者大大話話幾十人，趕頭趕命去到電視城門口，一句主人家未布置好場地，於是齊齊企喺大閘口罰企半粒鐘（圖）……華華終於明白，點解電視城門口成日有咁多fan屎了！