自從舊年大股東覃輝傳出財困，北京報章又指覃氏涉及若干問題貸款，被北京當局調查，一直艱苦經營嘅《成報》可謂百上加斤。不過，噚日佢哋終於見曙光。
覃輝透過StrategicMediaInternationalLimited（SMIL）控制三間上市公司，即星美國際、流動廣告同星美出版，現有買家SMIL承認，去年10月已同美國星光集團簽訂收購協議，擬收購SMIL及其關連公司，星光仲同意注資唔少於1.9億美元的額外資金為SMIL集團的營運資本。若收購作實，星美國際及流動廣告將成為星光嘅附屬公司。雖然公布冇講收購幾時完，亦冇提及星美出版會點，不過若果覃輝有咗呢筆錢，應可解決《成報》燃眉之急。
除咗《成報》外，早前傳過賣盤嘅《信報》，據政界消息人士話，賣盤計劃一直冇停過，佢仲話應該好快會有結果㖭。