由肥龍契仔陳德霖（圖）做牽頭嘅智經研究中心終於曝光，有人就笑個基金名改得好有趣，英文係BauhiniaFoundation，而中文就叫乜嘢「智經」。
攞命陳（NormanChan）話取其「智通經略」之意，咁深奧，肯定係肥龍手筆，佢哋唔認幫煲呔助選，但係話明希望透過支持政策研究，協助特區有效施政，唔係撐特首仲撐邊個？擺明係打心口，真係同搶冇分別，商界一向買怕，計過度過你有機會連任，多多少少都要科啲水。
所以話，「智經」個名改得好，普通話zhijing，可以係「至驚」或者係「至京」，即係話至驚你唔嚟，嚟親都要放低啲銀両，因為佢哋可以直達至京城，搭通天地線！雖然啲商家個個心底話係「唔使出錢出力最理想」，但係邊有呢支歌唱呀？
傳真︰2623-9278
電郵︰[email protected]