初叔的父親三個月前因患末期肺癌病逝，當時曾獲蘋果日報慈善基金「殮葬專戶」撥款協助辦理亡父身後事。初叔表示，亡父的骨灰目前暫時存放在殯儀館，以便輪候政府墳場骨灰位，他目前最擔心的是年邁母親的健康和情緒。
「媽媽呢排心情叫做好番少少，冇最初嗰陣成日喊，不過脾氣仲係好暴躁，我惟有多啲同佢傾偈。」四十二歲的初叔說。
初叔的七十一歲父親陳子和，一年多前證實患上末期肺癌，去年十一月底病逝。
骨灰暫放殯儀館
初叔的六十五歲母親劉婆婆，多年前因為糖尿上眼導致雙目失明，加上行動不便，如今她失去生活上唯一依靠，情緒難免受到打擊。
「媽媽身體都差咗好多，早幾日同佢覆診，醫生又話佢啲血壓控制得唔好，不過佢已經依時食藥，醫生咪叫佢放鬆心情囉。」初叔說。
母多病情緒欠佳
初叔以往任職酒樓點心師傅，○一年失業至今，現與妻子及一對四歲及十一歲子女靠領取綜援金度日。
蘋果基金曾於「殮葬專戶」撥款一萬五千元助初叔應急，近日他另接獲善長捐款合共一千三百五十元。
「我都有同媽媽講，佢話好多謝大家關心。呢啲錢我會畀晒媽媽，等佢有個錢傍身。」初叔說。
捐款編號：C1873
蘋果投訴熱線：29290000
社會服務熱線：29908288
傳真：23702192
電郵：[email protected]