肥平為食，不過一得閒都鍾意飲番兩杯，耀華街間「SM」我都留低唔少腳毛，皆因呢間上樓吧啲小食都好得，每次劈酒我都例必點番2客鹿肉刺身，鹿肉美國入口，唔係度度有得食，而且入口即溶，感覺有啲似食生牛肉，不過就比牛肉更滑更香。飲杯紅酒，食住鹿肉刺身睇有無靚女埋身，一個字──爽！SM（28380099）地址：銅鑼灣耀華街3號百樂中心21樓肥平：乜都放入口，最叻搵平嘢食，搞到肚腩大過佢個頭。