相比前幾屆的明星賽，今年JamSession的貨品就少得多，除了指定的波衫、球衣、T恤和外套，其他的貨品乏善足陳。最有紀念價值只有明星賽出場外套，因為每件衫的兩個袖位，都繡上該球星出席過的明星賽的印章；不過價錢要三百二十三美元！
矮仔入樽王韋比發福
除咗買嘢同睇波，在筆者心目中同樣舉足輕重的，還有專為各地傳媒而設的pickupgame。更難得的是，今次的「教練」就是剛協助尼特羅賓遜贏得花式入樽賽的「矮仔入樽王」韋比。
現在以講波和教波為主的他，看來發福不少，一個小肚腩在運動裝下無所遁形。帶完大家拉筋之後，就由太陽前鋒戴亞（BorisDiaw）同湖人新仔托阿夫（RonnyTuriaf）做球證，大家分隊比賽。
估唔到小記個隊贏咗兩場之後，Turiaf竟然話要落場打低我們，不過看來他不在狀態，一路都是行行企企，到落後十比九時（打十一分），Turiaf先認真出手，最後被他以一記大力入樽完結比賽；能夠同NBA球員交手，真係夠晒刺激！