風之后李麗珊嘅表弟賴登勤舊年喺台灣捲入外籍教師販毒案，原來佢上個月入咗台北看守所勒戒，噚晚七點獲釋，佢入咗去三十五日，唔止喺入面度過除夕，重係勒戒時間最長嘅藝人。賴登勤噚日缺席電影《人魚朵朵》宣傳，佢經理人洪毓茹話一個月勒戒期係政府規定，公司考慮聽日畀佢出席《人》片首映。
