有錢唔係萬能，但有錢可以做多啲嘢。早前因馬會唔再撥款嘅「風雨蘭」，真係風雨飄搖。後來公益金出手撥咗九十萬畀佢哋，呢個支援性暴力受害者嘅組織始倖免於難。但筆錢只夠半年用，好彩佢哋搵到大班幫手，有個有錢佬捐出一百萬，而明年政府仲極可能撥款資助佢哋。邊個咁闊佬？咪富貴浮雲囉。
風雨蘭目前喺旺角設有一個教育中心，喺廣華有一個支援中心，但最多問題嘅新界西北就冇資源去服務。聽聞政府畀錢嘅條件，就係要佢哋擴展服務。其實要擴展並唔難，只要周一嶽局長開綠燈，叫醫管局喺屯門、元朗畀啲地方佢哋用，咁就馬上可以開工啦。
傳真︰2623-9278
電郵︰[email protected]